Кейс Анжалікі Мельнікавай, падазрэньні адносна матывацыі Вольгі Карпушонак чарговы раз паказваюць мэтазгоднасьць дадзенай працэдуры.
Па апошняй інфармацыі ад спікера Каардынацыйнай рады чалец нашай фракцыі Аляксандр Клачко наступны пасля Анжалікі Мельнікавай і Вольгі Карпушонак па колькасьці спамповак працоўных дакументаў Каардынацыйнай рады. Гэтыя дакументы дасяжныя для ўсіх дэлегатаў КР і не змяшчаюць некіх сакрэтных дадзеных. (У нас ёсьць пытаньне што лічыцца “спампоўкай” і як яна можа адбывацца, але гэта асобная тэма).
Для скасоўваньня атмасферы недаверу сярод чальцоў КР, фракцыя “Воля” і КНРБ чарговы раз прапаноўвае разгледзець магчымасьць увядзеньня ў КР працэдуры паліграфічных праверак.
Пачаць гатовы з прадстаўніка нашай фракцыі і кіраўніка Камісіі КР па нацыянальнай і рэгіянальнай бяспецы Аляксандра Клачко.
